Katalonııada referendým kezinde 460-qa jýyq adam zardap shekti
ASTANA. QazAqparat - 1 qazan, jeksenbi kúni Ispanııanyń Katalonııa avtonomdy oblysynda táýelsizdik alý jónindegi referendým kezinde 460-qa jýyq adam zardap shekti. Bul týraly Barselona meri Ada Kolaý málim etti, dep habarlaıdy TASS agenttigi.
«Osy ýaqytta Katalonııada 460-qa jýyq adam zardap shekti. Barselona meri retinde polıtsııanyń qorǵansyz halyqqa qarsy is-áreketterin toqtatýdy talap etemin», - dep jazdy ol Twitter-degi paraqshasyna.
Aıta keteıik, jeksenbi kúni Katalonııada avtonomııalyq oblystyń Ispanııa quramynan shyǵýyna qatysty jalpyhalyqtyq daýys berý bastaldy. Madrıd bul referendýmdy zańsyz dep sanaıdy. Qazirgi ýaqytta barlyq óńir boıynsha quqyqqorǵaýorgandary plebıstsıttiń ótýin toqtatýǵa tyrysýda. Olar saılaý ýchaskelerin jaýyp, jáshikter men bıýlletenderdi tárkilep jatyr.
Foto: REUTERS
