Katalonııa sońǵy 10 jylda qurǵaqshylyqtan zardap shegýde

ASTANA. QazAqparat – Katalonııa keıingi onjylda qurǵaqshylyqtyń zardabyn tartyp otyr, dep habarlaıdy QazAqparat BBC silteme jasap.

Barselonadan 100 shaqyrym jerdegi Saý sý qoımasy jarty ǵasyrdan beri Katalonııanyń soltústik-shyǵys aımaǵyndaǵy qalalardy sýmen qamtyp keledi. Biraq keıingi aılarda ol onjyldyqta bolmaǵan qurǵaqshylyqtyń aıqyn belgisin kórsetti. Sý qoımasynda ornalasqan XI ǵasyrdaǵy San-Roma-de-Saý shirkeýiniń ǵımaraty nóser jaýyn kezinde sý deńgeıinen tómen túsetin bolsa, qazir ol sý deńgeıin kórsetetin syzyqtan birneshe metr kóterilgen. Katalonııanyń bul bóliginde uzaqqa sozylǵan jaýyn jaýmaǵanyna eki jarym jyldan asty. Naýryzdyń basynda qoımadaǵy sý deńgeıi óziniń syıymdylyǵynan 8%-ǵa deıin tómendedi. Salystyratyn bolsaq bir jyl buryn bul kórsetkish 55% bolǵan. Qurǵaqshylyqtyń bárine jahandyq jylyný sebep emes. Degenmen temperatýranyń joǵarylaýy jerdegi ylǵaldy alyp ketedi de, jaǵdaıdy odan saıyn ýshyqtyryp jiberedi. Indýstrııa dáýiri bastalǵaly ǵalamshar shamamen 1,1 Tselsıı gradýsqa jylydy jáne atmosferaǵa túsetin qaldyqtar qysqarmasa temperatýra kóterile beredi degen boljam bar.