Katalonııa parlamenti ólke aýmaǵynda korrıdaǵa tyıym saldy
ASTANA. Shildeniń 29-y. QazAqparat - Ispanııanyń Katalonııa avtonomııalyq ólkesiniń parlamenti (eldiń soltústik-shyǵysy) 2012 jyldyń qańtar aıynyń 1-inen bastap ólke aýmaǵynda korrıdaǵa tyıym salý týraly sheshim qabyldady. Jergilikti buqaralyq aqparat quraldaryna silteme jasap ITAR-TASS agenttiginiń habarlaýynsha, bul sheshim, 55 qarsy daýys bolǵanymen, qalǵan 68 depýtattyń qoldaýymen qabyldanǵan.
Ǵasyrlar boıy jalǵasyp kele jatqan bul «qandy merekege» tyıym salý bastamasyna "Prou!" qaýymdastyǵy uıytqy bolyp otyr, bul ataý katalon tilinen «Jeter!» dep aýdarylady.
«Qatygezdikti toqtatý kerek. Jeter! Korrıda - janýarlardy azaptaýdyń zańdastyrylǵan merekesi jáne elimizdi dúnıejúzine taǵy el retinde kórsetetin qatty spektakl», - deıdi korrıdaǵa tyıym salý bastamasyn kóterýshiler.
Al tyıymǵa narazylar bolsa, ógizdiń adammen bolǵan jekpe-jektegi ajaly onyń qasaphanadaǵy óliminen áldeqaıda adal, oǵan qosa, ıspandyqtar matadorlardyń erliginen ǵasyrlar boıy tárbıe alyp keledi, degen óz ýájderin aıtýda.
