Katalondyqtar táýelsizdik alý úshin referendým ótkizýdi talap etti
ASTANA. QazAqparat - 11 qyrkúıek kúni Katalonııanyń myńdaǵan turǵyny Barselonada Ispanııadan táýelsizdigin jarııalaý jóninde referendým ótkizýdi talap etti, dep habarlady, VVS.
Sherýge qatysýshylar Katalonııa jalaýlaryn jelbiretip, daýys berýge yntaly ekenderin kórsetti.
Brıtanııadan táýelsizdigin alý úshin 18 qyrkúıek kúni referendým ótkizgeli otyrǵan Shotlandııanyń mysaly katalondyqtarǵa serpin berdi. Osyǵan baılanysty, jergilikti bılik 9 qarashada referendým ótkizýdi qalaıdy. Alaıda, Ispanııa bıligi bul áreketter zańsyz ekenin eskertip otyr. Katalonııa - Ispanııanyń damyǵan aımaqtarynyń biri. Onda táýelsizdik jarııalaý týraly usynystar kópten beri aıtylyp keledi.
