Qasymov mas adamdarǵa qatysty tıisti sharalardy atqarý kerektigin aıtty
ASTANA. QazAqparat - Elimizde ishimdikke salynǵandar sany artty dep aıta almaımyn, alaıda alkogol ishetinderge qatysty tıisti sharalardy atqarý kerek. Bul týraly búgin Parlament Májilisiniń jalpy otyrysy barysynda tilshiler saýalyna jaýap berý kezinde QR Іshki ister mınıstri Qalmuhanbet Qasymov málim etti, dep habarlaıdy QazAqparat.
«Atap aıtqanda, mas kúıinde túsken adamdy biz zań boıynsha ýaqytsha ustaý ızolıatoryna ornalastyra almaımyz. Medıtsına qyzmetkerleri olardy naýqas dep sanamaıdy, óz kezegimizde biz de ustaı almaımyz. Bul rette polıtseı ne isteýi kerek? Máselen, ol mas kúıinde áıelin urýǵa barady nemese kóshede jatady, osy oraıda biz ony qaıda ornalastyrýymyz qajet? Barsha álemde qalypty tájirıbe bar. Olardy medıtsınalyq emes aıyqtyrǵysh dep te ataı bersin. Qazir olardy beıimdeý ortalyǵy dep ataýda. Qalaı atalsa da, ózderińiz bilesizder, alaıda biz mas adamnyń aıyǵyp shyǵýy úshin ony tıisti jerge ornalastyrýymyz qajet»,-dedi mınıstr.
Onyń sózine qaraǵanda, qazirgi ýaqytta QR ІІM tarapy QR Densaýlyq saqtaý jáne áleýmettik damý mınıstrligimen birlese arnaıy top qurdy, osy rette bul máseleni sheshýdiń joldary zerdelenbek.
Qasymovtyń paıymynsha, keıbir qalalarda mas adamdardy ornalastyratyn oryndar jetispeıdi.
«Al polıtseı alkogoldik masaıǵan adammen bir jerde uzaq bolsa, onda eki problema týyndaıdy, ıaǵnı qol jumsaý áreketi nemese qarsylyq tanytý jaǵdaıy oryn alady. Biz osy arqyly ózimiz krımınaldyq ahýldy jasap otyrmyz... Elimizde ishimdikke salynǵandar sany artty dep aıta almaımyn, alaıda alkogol ishetinderge qatysty tıisti sharalardy atqarý kerek»,-dedi mınıstr.
«Medıtsınalyq aıyqtyrǵyshtar, qazir olar beıimdeý ortalyqtary dep atalady. Bul oryndarda aqysyz túrde kómektiń óte jaqsy kesheni usynylady. Olardyń em-domy úshin tıisti jaǵdaı qarastyrylǵan. Árıne, ol jerge alǵash túskender úshin osy sharalar jat kórinedi. Al turaqty ishetinder polıtseılerden birden aıyqtyrǵyshqa jetkizýdi ótinedi. Qazirgi kezde medıtsına úlken kómek kórsetýde»,-dedi Q. Qasymov.
