Qasymov elorda mektebindegi oqýshy ólimine qatysty tergeýdiń mán-jaıyn aıtty
ASTANA. QazAqparat - Astanadaǵy №59-shy mektepte kóz jumǵan Temirlan Dıqanbaev isine qatysty saraptamalyq jumys aıaqtaldy. Bul týraly búgin Májilistegi jalpy otyrys barysynda tilshiler saýalyna jaýap bergen QR Іshki ister mınıstri Qalmuhanbet Qasymov málim etti, dep habarlaıdy QazAqparat.
«Saraptamanyń qortyndysyn biz aldyq. Qazirgi kezde tıisti sheshim qabyldaımyz. Er balaǵa qatysty tergeý toqtatylady, al muǵalimderge qatysty áli de qarastyramyz, búginde tekserý júrip jatyr», - dedi Qasymov.
Onyń sózine qaraǵanda, júrgizilgen saraptama balanyń ólimi neden bolǵanyn aıqyndap bergen.
Esterińizge sala keteıik, ótken jyldyń qarasha aıynyń sońynda Temirlan Dıqanbaevtyń ólimine baılanysty sotqa deıingi tergeý amaldary bastalǵan bolatyn. Osy oraıda balanyń ólimi sebepterin anyqtaý úshin sot-medıtsınalyq saraptama taǵaıyndaldy.
Buǵan deıin BAQ betterinde marqum T. Dıqanbaevtyń týystary balanyń tóbelesten kóz jumǵany habarlaǵan bolatyn. Osy oraıda olar Temirlan synyptasymen tóbeles saldarynan qaıtys bolǵanyn jetkizdi.
Temirlandy ajaldan arashalaý úshin mekteptiń medbıkesi kómek kórsetkenimen, jasóspirim esin jımastan kóz jumǵan.
