Qasymov Almaty oblysyndaǵy «Nurly jol» baǵdarlamasynyń nysandaryn aralady

ASTANA. QazAqparat - Memleket basshysy Nursultan Nazarbaevtyń «Qazaqstannyń úshinshi jańǵyrýy - jahandyq básekelestik» atty Qazaqstan halqyna arnaǵan Joldaýyn túsindirý úshin QR Іshki ister mınıstri Qalmuhanbet Qasymov Almaty oblysynda boldy, dep habarlaıdy vedomstvo baspasóz qyzmeti.

Mınıstr aldymen oblys ákimi Amandyq Batalovtyń turǵyndarmen eseptik kezdesýine qatysty, onda Memleket basshysy Joldaýynyń negizgi baǵyttary talqylandy.
 

Kezdesý sońynda mınıstr «Nurly jol» baǵdarlamasynyń birqatar nysandaryn aralap, qurylysty iske asyrý barysymen tanysty.

Mınıstr sondaı-aq, oblystyq ІІD-niń jeke quramymen kezdesip, quqyq qorǵaý organdarynyń azamattardyń quqyǵy men qaýipsizdigin qamtamasyz etý baǵytyndaǵy mindetterine jeke-jeke toqtaldy. Óńirdegi ishki ister organdarynyń birqatar nysandarynda bolyp, polıtsııa bólimsheleriniń jumysymen tanysyp shyqty.
 

«Memleket basshysy ekonomıkadaǵy, áleýmettik saladaǵy keń aýqymdy mindetter men maqsattardy aıqyndap berdi. Osy maqsattardy júzege asyrý - árqaısymyzǵa laıyqty ómir súrip, azamattyq jáne qyzmettik paryzdardy oryndaýǵa múmkindik beredi. Alǵa qoıǵan josparlardy oryndaý arqyly el damýyna laıyqty úlesimizdi qosatynymyzǵa senimdimin», - dedi Qazaqstan Respýblıkasy Іshki ister mınıstri Qasymov.