Qasymov AQSh azamatynyń oblystyq ІІD bastyǵyn aıyptaýyna qatysty pikir bildirdi
ASTANA. QazAqparat - QR Іshki ister mınıstri Qalmuhanbet Qasymov AQSh azamatynyń Pavlodar oblystyq ІІD bastyǵy Amantaı Áýbákirovti aıyptaýyna qatysty pikir bildirdi, dep habarlaıdy QazAqparat tilshisi.
«Tergeý amaldary ótkizilip, azamattyq protsess júrýde. Ózindik qaýipsizdik departamentimiz tekserý júrgizdi. Prokýratýra da atalǵan azamattyń shaǵymy boıynsha tekserý júrgizip jatyr, kútip otyrmyz. Іske bastyqtyń jubaıy men shaǵym jasaǵan azamattyń arasyndaǵy azamattyq-quqyqtyq qarym-qatynas negiz bolǵan. Sheshim qabyldanǵannan keıin, biz de óz sheshimizdi qabyldaımyz», - dedi mınıstr búgin Úkimet otyrysynan keıingi brıfıng barysynda.
Aıta keteıik, osydan biraz ýaqyt buryn YouTube-te «QR ІІM generaly amerıkalyqty tonady» degen ataýmen vıdeorolık jarııalanǵan bolatyn. Onda Qazaqstanda bıznespen aınalysqan AQSh azamaty kásibin Pavlodar oblystyq ІІD bastyǵy, general-maıor Amantaı Áýbákirovtiń tartyp alǵandyǵyn aıtady.
