Qasymov: Adam qaǵyp óltirgen ákim orynbasary ádil jazasyn alady
ASTANA. QazAqparat - QR Іshki ister mınıstri Qalmuhanbet Qasymov jas jigitti qaǵyp óltirgen Rıdder ákimi orynbasarynyń ústinen qozǵalǵan is obektıvti túrde tergeletindigin aıtty, dep habarlaıdy QazAqparat tilshisi.
Úkimet otyrysynan shyqqan Іshki ister mınıstri Qalmuhanbet Qasymovqa jýrnalıster qaıtys bolǵan balanyń týystary «istiń aıaǵyna jetpeı tejelýi múmkin» dep alańdap otyrǵanyn jetkizgen edi.
«Іsti tejeýi múmkin degen ne sóz?! Adam tutqynǵa alyndy. Ol jerde anyqtaý qajet jaıttar bar. Tergep jatyrmyz. Kinálilerdiń barlyǵy jazaǵa tartylady», - dedi Qalmuhanbet Qasymov.
Buǵan deıin habarlaǵanymyzdaı, osy jyldyń 15 sáýirinde saǵat 21.00 shamasynda Rıdderde qala ákiminiń orynbasary Baýyrjan Qurmanbaev «BMW H5» avtokóligin basqaryp kele jatyp, joǵary jyldamdyqta 19 jastaǵy E.V. Smolnıkovty qaǵyp ketken bolatyn.
Oqıǵa saldarynan bozbala kólik apaty bolǵan jerde kóz jumdy. Jol-kólik oqıǵasy kezinde avtokóliktiń ishinde B.P. Qurmanbaevpen birge Óskemen qalasynyń ákimi Q.M. Týmabaev bolǵan.
25 sáýirde ShQO prokýratýrasy qaza bolǵan jigittiń týystarynan birneshe aryz túskenin habarlady.
"19 sáýir kúni Rıdder qalasynyń prokýratýrasyna qaıtys bolǵan E.Smolnıkovtyń ákesinen aryz tústi. Ol qaıǵyly oqıǵanyń sebepkeri B.R. Qurmanbaevtyń avtokóligin ustaý úshin is-sharalar ýaqytyly qabyldanbady dep, Rıdder qalasynyń ІІB qyzmetkerlerin jaýapqa tartýdy surady. Sondaı-aq, marqumnyń ákesiniń dosy sol kúni Rıdder qalasynyń ІІD krımınaldyq polıtsııa bóliminiń bastyǵy ózine qysym kórsetkeni týraly prokýratýraǵa aryzdandy. Osy faktiler boıynsha oblystyq ІІD-niń Ózindik qaýipsizdik basqarmasy Qylmystyq Kodekstiń 370-baby (qyzmeti boıynsha áreketsizdik) jáne 362-baby, 4-bóligi (kúsh kórsetý qaýpimen laýazymdyq ókilettikterin asyra paıdalaný) boıynsha sotqa deıingi tergeý júrgizýde. Qylmystyq isterdiń tergelýi oblys prokýratýrasynyń baqylaýynda, olar boıynsha barlyq keshendi tergeý-jedel is-sharalary ótkizilýde. Ózge aqparat tergeý múddesine oraı jarııalanbaıdy", - delingen quzyrly organ taratqan aqparatta.
