Qasymbek: Zań buzǵan sheteldikterge aıyppuldy sot sheshiminsiz-aq tóletý qajet
ASTANA. QazAqparat - Elimizde bolý merzimin buzǵan sheteldikterge aıyppuldy sot sheshiminsiz shekarada tóleýlerine ruqsat berý qajet. Mundaı usynysty búgin Úkimettiń selektorlyq rejimdegi otyrysynda QR Investıtsııalar jáne damý mınıstri Jeńis Qasymbek jasady, dep habarlaıdy QazAqparat.
«Aıta ketetin bir jaıt, vızalyq rejım jetkilikti deńgeıde yryqtandyryldy. Áriptesterimizdiń túsinistikpen qaraǵandary úshin alǵys aıtamyz. 2017 jyldan bastap 55 elge vızasyz rejım engiziledi. Atalǵan elderdiń azamattary men ınvestorlary Qazaqstanda 30 kúnge deıin tirkelmeı-aq júre alady jáne kirer aldynda avtomatty túrde tirkeledi. Sonymen birge, ınvestorlar úshin jumys vızasyn rásimdeý úderisin jeńildetý máselesi ózekti bolyp qalyp otyr»,- dep atap ótti mınıstr.
Osyǵan baılanysty Qasymbek Eýropa elderiniń tájirıbesi boıynsha Syrtqy ister mınıstrligimen vıza berý tártibin «aýtsorsıngke» berý jáne elektrondyq vıza engizý kelisimine qol jetkizilgenin atap ótti. Sonymen qatar onyń sózine qaraǵanda, jumys vızasyn alý úshin kelisim merzimi aıtarlyqtaı uzaq kúıinde qalyp otyr. Zań boıynsha bul 41 kúnge deıin, tájirıbede 2 aptaǵa deıingi ýaqytta alady.
«Osyǵan baılanysty, áriptesterimizden ádettegi tájirıbedegideı zańnamalyq merzimdi 14 kúnge deıin qysqartý múmkindigin qarastyrýdy suraǵymyz keledi. Osyndaı ońtaıly jaǵdaılarmen qatar, mıgratsııalyq rejımdi buzǵan shetel azamattaryn qatań jazalaý týraly másele mańyzdy kúıinde qalyp otyr. Bul salanyń quqyqtyq qatynasyn laıyqty túrde dekrımınalızatsııalaý kerek, dep esepteımiz. ıAǵnı, shetel azamattarynyń elimizde bolý merzimin buzǵan jaǵdaıda erikti túrde aıyppuldy sot sheshiminsiz shekarada tóleýlerine ruqsat berý qajet»,- dedi ol.
