Qasymbek: Investorlarǵa usynylatyn daıyn jobalar óte az
Búginde ınvestorlarǵa usynylatyn daıyn jobalar óte az. Barlyq jobalardyń málimetter bazasynda eshqandaı esep joq, tek «bıznes-ıdeıalar» jınaqtalǵan. Osyǵan baılanysty, salalyq memlekettik organdarmen, oblystyq ákimdiktermen jáne ulttyq kompanııalarmen birlesip, úsh aıdyń ishinde tańdaýly jobalar tizimin ázirleýdi usynamyz. Jáne 2017 jyldyń birinshi jartysyna deıin olardy halyqaralyq standarttarǵa sáıkes jabdyqtaý kerek. ıAǵnı, marketıngtik zertteýler men bıznes josparlar ázirleý qajet. Biz bul jumysty Makkenzı kompanııasymen birge bastap kettik jáne jyl sońyna deıin, ázirge 4 sala boıynsha jan-jaqty ınvestıtsııalyq usynys ázirlenedi. Bul hımııa ónerkásibi, mashına jasaý, tamaq ónerkásibi jáne saýda»,- dep atap ótti ol.
Qasymbek iri ınvestorlar, onyń ishinde transulttyq kompanııalar tartý úshin olarmen jeke jumys isteý qajettigin basa aıtty.
«Atap aıtqanda, jeńildetilgen tarıfter, ınfraqurylymy bar jer ýchaskeleri, jer qoınaýlaryn, salyqtyq jeńildikter, «offtake» kelisim-sharttar jáne taǵy da basqa usynystar jasaý kerek. «Offtake» kelisimsharttar nemese memlekettik tapsyrys sııaqty ınvestorlardy yntalandyrý jáne qoldaý sharalaryna toqtala ketsek, biz áýel bastan eksportqa baǵyttalǵan ınvestorlar men TUK-lardy tartýdy maqsat ettik. Osyǵan baılanysty, elge ınvestor tartý úshin alǵashqy kezde ónimderin ótkizýge kepildik berip, barynsha jaǵdaı jasaýǵa tyrystyq. Biraq kelesi kezeńde atalǵan ınvestor mindetti túrde eksportqa shyǵýy kerek jáne naryq talaptaryna sáıkes, memlekettik tapsyryssyz jumys isteýge mindetti boldy. Qurmetti Baqytjan Ábdiruly, árbir TUK-nyń bizdiń naryqqa kirý máselesin jeke qaraý úshin QR Premer-Mınıstriniń birinshi orynbasary basshylyq etetin arnaıy jumys tobyn qurýdy usynamyz. Osy sharalar iri ınvestorlar men TUK tartý boıynsha sheshim qabyldaý protsesin jedeldetýge múmkindik beredi dep oılaımyz», - dedi mınıstr.