Qasym-Jomart Toqaevtyń tóraǵalyq etýimen Senat bıýrosynyń otyrysy boldy
ASTANA. Jeltoqsannyń 21-i. QazAqparat. Búgin Qasym-Jomart Toqaevtyń tóraǵalyq etýimen Senat bıýrosynyń otyrysy bolyp, onda Parlament Májilisi maquldaǵan zań jobalary palata komıtetterine bólinip berildi,
dep habarlaıdy Senattyń baspasóz qyzmeti.
Bıýro otyrysynda «Tabıǵı monopolııalar jáne retteletin naryqtar týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy Ekonomıkalyq jáne óńirlik saıasat komıtetine zerdeleýge berildi. Bul komıtetke «Memlekettik statıstıka týraly» jáne «Qazaqstan Respýblıkasynyń keıbir zańnamalyq aktilerine memlekettik statıstıka máseleleri boıynsha ózgerister men tolyqtyrýlar engizý týraly» zań jobalary da qaraýǵa jáne tıisti qorytyndy ázirleýge usynyldy.
Bıýro otyrysynda 24 jeltoqsanda bolatyn Senattyń jalpy otyrysynyń kún tártibin jasaqtaý jónindegi komıtetter usynystary da qaraldy. Jalpy otyrysta «Quqyq buzýshylyqtyń aldyn alý týraly» jáne «Qazaqstan Respýblıkasynyń keıbir zańnamalyq aktilerine quqyq buzýshylyq profılaktıkasy máseleleri boıynsha ózgerister men tolyqtyrýlar engizý týraly» zań jobasy qaralatyn boldy. Talqylaýǵa «Tabıǵı monopolııalar jáne retteletin naryqtar týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine memlekettik materıaldyq rezerv máseleleri boıynsha ózgerister men tolyqtyrýlar engizý týraly» zań jobalary da usynylatyn boldy.
Jalpy otyrysta «Qazaqstan Respýblıkasynyń keıbir zańnamalyq aktilerine qyzmeti úshinshi tulǵalarǵa zııan keltirý qaýpimen baılanysty obektiler ıeleriniń azamattyq-quqyqtyq jaýapkershiligin mindetti saqtandyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda, al «Qazaqstan Respýblıkasynyń keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasy ekinshi oqylymda qaralady.
Sonymen birge «Qazaqstan Respýblıkasyndaǵy sot-saraptama qyzmeti týraly» jáne «Qazaqstan Respýblıkasynyń keıbir zańnamalyq aktilerine sot-saraptama qyzmeti máseleleri boıynsha ózgerister men tolyqtyrýlar engizý týraly» zań jobalary boıynsha Parlament palatalary arasyndaǵy kelisý komıssııalarynyń usynystary talqyǵa salynady.
