Qasym-Jomart Toqaevtyń Respýblıkalyq qoǵamdyq shtaby aqtóbeliktermen kezdesti

NUR-SULTAN. QazAqparat - Qazaqstan Prezıdenttigine kandıdat Qasym-Jomart Toqaevtyń Respýblıkalyq qoǵamdyq shtaby úgit-nasıhat jumystarymen Aqtóbe oblysynda bolyp qaıtty, dep habarlaıdy QazAqparat tilshisi.

Aqtóbe rels-arqalyq zaýytynyń eńbek ujymymen kezdesýde Shtab músheleri Qasym-Jomart Toqaevtyń saılaýaldy baǵdarlamasynyń basty qaǵıdalaryna toqtaldy.

Sondaı-aq olar oblystyń Alǵa aýdanyna qarasty Bestamaq aýylynyń jurtshylyǵymen júzdesip, aýyl halqymen ustazdar men dárigerlerdiń jaǵdaıyn jaqsartý, jemqorlyqty túp-tamyrymen joıý sııaqty máselelerdi talqylady.

Úgit-nasıhat jumystary oblystaǵy kásiporyndarda da jalǵasty.

Sondaı-aq, búgin el prezıdenttigine úmitker Danııa Espaeva Nur-Sultan qalasyndaǵy arnaıy ekonomıkalyq aımaqtaǵy «Qazaqstan Paramaýnt Injınırıng» JShS ujymymen kezdesti.

Al keshe Prezıdenttikke taǵy bir úmitker Ámirjan Qosanovtyń senimdi ókilderi mańǵystaýlyqtarǵa kandıdattyń saılaýaldy tuǵyrnamasyn tanystyrǵan bolatyn.

Qazaqstan kommýnıstik halyq partııasy atynan QR Prezıdenttigine kandıdat Jambyl Ahmetbekovtiń Qyzylorda oblystyq saılaýaldy shtaby qalalyq avtobýs parkiniń eńbek ujymymen kezdesti.

Al kandıdat Amankeldi Taspıhovtyń senimdi ókilderi Qyzylorda oblysynyń Qazaly aýdanynda ornalasqan «Agro-Órken» JShS jumysshylarymen kezdesti.

«Aýyl» partııasy atynan prezıdent saılaýyna túsip jatqan Tóleýtaı Raqymbekovtiń senimdi ókilderi Pavlodarda «Saǵyp» sharýa qojalyǵyna baryp, jergilikti turǵyndarmen kezdesti.