Qasym-Jomart Toqaevtyń baspasóz máslıhatynyń tolyq vıdeosy jarııalandy
NUR-SULTAN. QazAqparat - Qazaqstan Prezıdentiniń baspasóz hatshysy Berik Ýálı Qasym-Jomart Toqaevtyń baspasóz máslıhatynyń vıdeosyn jarııalady, dep habarlaıdy QazAqparat.
«Kezekten tys Prezıdent saılaýynyń qorytyndysy boıynsha ótken Memleket basshysy Qasym-Jomart Toqaevtyń baspasóz-konferentsııasynda qoǵamdy tolǵandyryp júrgen birqatar máseleler boıynsha jaýaptar berildi», - dep jazdy Berik Ýálı.
Atap ótetin jaıt, bul sharaǵa 66 buqaralyq aqparat quralynan 107 ókil kelip qatysty. Onyń 44-i otandyq, 22-si sheteldik BAQ boldy. Qazaq, orys jáne aǵylshyn tilinde 30-ǵa jýyq suraq qoıyldy.
«Qasym-Jomart Kemelulynyń BAQ ókilderimen ótken kezdesýi 1 saǵatqa jýyqtady. Kópshiliktiń suraýy boıynsha, baspasóz máslıhatynyń montajdalmaǵan tolyq nusqasyn usynamyz» delingen habarlamada.
