Qasym-Jomart Toqaevty saılaýdaǵy jeńisimen Katar Memleketiniń Ámiri quttyqtady
NUR-SULTAN. QazAqparat - Qazaqstan Respýblıkasynyń Prezıdenti Qasym-Jomart Toqaev Qatar Memleketiniń Ámiri sheıh Támım ben Hamad Ál-Tánımen telefon arqyly sóılesti, dep habarlaıdy Aqordanyń baspasóz qyzmeti.
Qatar basshysy Qasym-Jomart Toqaevty Qazaqstandaǵy prezıdent saılaýyndaǵy aıqyn jeńisimen jáne Prezıdentti ulyqtaý rásiminiń sátti ótýimen quttyqtady.
Áńgimelesý barysynda eki el arasyndaǵy baılanystardy odan ári damytý máseleleri talqylandy.
Sheıh Támım Ál-Tánı Memleket basshysyna tabys tilep, onyń joǵary qyzmeti qazaq halqynyń yrysy men birligin nyǵaıtýǵa baǵyttalatynyna senim bildirdi.
Qasym-Jomart Toqaev Qatar Ámirine quttyqtaǵany úshin rızashylyq bildirip, ekijaqty yqpaldastyqty odan ári pármendi túrde jalǵastyrýǵa nıetti ekenin aıtty.
