Qasym-Jomart Toqaevty Belgııa Koroli, Sıngapýr basshysy quttyqtady
Belgııa Koroli Fılıpp Memleket basshysy Qasym-Jomart Toqaevty Qazaqstan Prezıdenti bolyp saılanýymen quttyqtap, joǵary laýazymdy abyroımen atqarýyna tilektestik bildirdi.
«Men Sizdiń otandastaryńyzǵa baq-bereke tilep, eki eldi jarastyratyn dostyq pen yntymaqtastyqty qoldaıtynymdy jetkizgim keledi», - delingen jedelhatta.
Sıngapýr Respýblıkasynyń Prezıdenti Halıma ıAkob óziniń quttyqtaý hatynda Memleket basshysy Qasym-Jomart Toqaevtyń prezıdent saılaýyndaǵy aıqyn jeńisin onyń saıası tájirıbesi men kóshbasshylyǵyna degen halyqtyń senimi ekenin atap ótti.
«Sıngapýr men Qazaqstan túrli salalar boıynsha tyǵyz jumys istep keledi. Sizdiń el tizginin qolǵa alyp, Qazaqstandy ári qaraı órkendete túsetinińizge senimdimin. Eki el arasynda qalyptasqan qarym-qatynastardy odan ári nyǵaıtý úshin tyǵyz yntymaqtasa jumys isteımiz degen úmittemin», - dep jazdy Sıngapýr Prezıdenti.
Rýmynııa Prezıdenti Klaýs Verner Iohannıs Memleket basshysy Qasym-Jomart Toqaevtyń saılaýdaǵy jeńisimen quttyqtap, demokratııalyq jańǵyrý úderisterin jalǵastyrýda tabys tiledi.
«2003 jylǵy Rýmynııa men Qazaqstan Respýblıkasynyń áriptestik jáne yntymaqtastyq týraly Málimdemesiniń jáne Eýropalyq Odaq pen Qazaqstan arasyndaǵy Kelisim negizinde eki eldiń qarym-qatynastarynyń nyǵaıa túsetinine kámil senemin», - dep jazdy Klaýs Verner Iohannıs.
Avstrııanyń Federaldyq kantsleri Brıgıtte Bırlıaın da óz atynan quttyqtaý joldap, Qazaqstan Prezıdenti Qasym-Jomart Toqaevqa lebizin bildirgen.
«Eki el arasyndaǵy qarym-qatynastar men syndarly yntymaqtastyqty odan ári jalǵastyra alatyndyǵymyzǵa senemin», - delingen jedelhatta.
Koreıa Halyq Demokratııalyq Respýblıkasy Joǵarǵy Halyq Jınalysynyń Prezıdıým Tóraǵasy Chve Ren He Qazaqstan Prezıdentine quttyqtaý hatyn joldap, jyly lebizin bildirgen. Ol óziniń jedelhatynda eki eldiń yntymaqtastyǵy men dostyq qarym-qatynastary odan ári nyǵaıa beretinine senimdi ekenin aıtqan.
Polsha Respýblıkasynyń senatorlary Gjegoj Cheleı men Kajımej Kleına da Memleket basshysy Qasym-Jomart Toqaevty saılaýdaǵy aıqyn jeńisimen quttyqtap, eki el arasyndaǵy barlyq sala boıynsha yntymaqtastyqtyń jalǵasa beretinine múddeli ekenderin jetkizgen.
Reseıdiń «Rosneft» UK Bas atqarýshy dırektory Igor Sechınnen, S.A.Gerasımov atyndaǵy Búkilreseılik memlekettik kınematografııa ınstıtýtynyń rektory, «Dostyq» ordeniniń kavaleri Vladımır Malyshevtan, ENI kompanııasynyń Bas atqarýshy dırektory Klaýdıo Deskaltsıden de quttyqtaýlar keldi.