Qasym-Jomart Toqaev jyl sońyna deıin paıdalanylmaı jatqan jaıylymdardy qaıtarýdy júktedi

NUR-SULTAN. QazAqparat – Memleket basshysy Qasym-Jomart Toqaev Úkimetke jyl sońyna deıin paıdalanylmaı jatqan jaıylymdardy qaıtarýdy júktedi, dep habarlaıdy QazAqparat tilshisi.

«Jaıylymdar máselesine arnaıy toqtalǵym keledi. Bul jerler eń aldymen aýyl turǵyndaryna qoljetimdi bolýy kerek. Jergilikti ákimdikter jumysty durys uıymdastyrmaı jatyr. Sonyń saldarynan aýyl turǵyndary mal jaıatyn jaıylym tappaı qınalýda. Ásirese Almaty, Túrkistan oblystarynan aryz-shaǵymdar kóp túsýde. Jaıylymdardyń 99 paıyzy sharýa qojalyqtardyń ıeliginde. Alaıda onyń 36 paıyzynda ǵana mal jaıylady. Qalǵan 46 mln gektar jaıylym jer bos jatyr. Úkimetke Bas prokýratýramen birlesip, bıylǵy jyldyń sońyna deıin osyndaı jaıylymdardy qaıtarýdy tapsyramyn», - dedi Memleket basshysy Qasym-Jomart Toqaev Úkimettiń keńeıtilgen otyrysynda.

Eske sala ketsek Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr. Onlaın formattaǵy jıynda eldiń áleýmettik-ekonomıkalyq damýynyń 2020 jylǵy qorytyndylary men aldaǵy jospary talqylanýda.