Qasym-Jomart Toqaev jastary jumyssyz júrgen óńirlerdi atady

NUR-SULTAN. QazAqparat – Jyl sońynda jastardy jumyspen qamtı almaǵan óńirler ákimderiniń jumysyna qorytyndy berilýi múmkin. QR Prezıdenti Qasym-Jomart Toqaev Úkimettiń keńeıtilgen otyrysynda osyny málim etti, dep habarlaıdy QazAqparat tilshisi.

«Qazirgi tańda jastardy jumyspen qamtýǵa basa nazar aýdaratyn kez keldi. Jyl saıyn eńbek naryǵyna 300 myńǵa jýyq jas shyǵady.

Elimizde óskeleń urpaqtyń ózin-ózi damytýyna jaǵdaı jasalyp jatyr. Biraq, naqty sharalarǵa qaramastan, jastardy jumyspen qamtý máselesi tolyq sheshilmeı keledi», - dedi Prezıdent.

Qasym-Jomart Toqaevtyń aıtýynsha, keıbir aımaqta jastar arasyndaǵy jumyssyzdyq deńgeıi elimizdegi ortasha kórsetkishten aıtarlyqtaı joǵary.

«Ásirese, Nur-Sultan, Almaty qalalary, Almaty, Qaraǵandy, Soltústik Qazaqstan jáne Shyǵys Qazaqstan oblystary – sonyń qatarynda. Úkimet jáne oblys ákimderi osy máselege aıryqsha nazar aýdarýǵa tıis. Jyl aıaqtalǵanda tıisti qorytyndysyn shyǵaramyz», - dedi Memleket basshysy.

Aıta keteıik, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr .