Qasym-Jomart Toqaev jastar úshin qoǵamdyq-saıası lıfti qurýdy usyndy

NUR-SULTAN. QazAqparat –QR Prezıdenti Qasym-Jomart Toqaev jastardyń belsendigin arttyrýǵa qatysty usynystar aıtty, dep habarlaıdy QazAqparat tilshisi.

«Partııalyq saılaý tizimderinde áıelder men jastar úshin mindetti 30 paıyzdyq kvotany qarastyrý kerek. Biz áıelderdiń saıasatqa belsendi túrde kelýin yntalandyrýymyz qajet, ásirese, zań shyǵarýshylyq protsesine. Dál osylaı Parlamentke jáne jergilikti ókiletti organdarǵa jastardyń kelýine yqpal etýimiz kerek. Elbasy bul jaıynda jaqynda «Nur Otan» belsendileriniń qatysýymen ótken keńeste aıtqan bolatyn», - dedi Qasym-Jomart Toqaev Ulttyq qoǵamdyq senim keńesiniń 2-otyrysynda.

Osy oraıda Prezıdent jastardyń qoǵamdyq-saıası protsesterge qatysýǵa daıyn ekendigin atap ótti.

«Jastar úshin tek áleýmettik lıftilerdi ǵana emes, sonymen qatar qoǵamdyq-saıası lıftilerdi de qurýymyz kerek», - dedi Memleket basshysy.