Qasym-Jomart Toqaev: Jas urpaq baıtaq Qazaqstannyń ǵajaıyp jaýharlaryn bilýge tıis

NUR-SULTAN. QazAqparat – Eli men jerin súıý úshin jas urpaq baıtaq Qazaqstannyń ǵajaıyp jaýharlaryn bilýge tıis. Qazaqstan Respýblıkasynyń Prezıdenti Qasym-Jomart Toqaev «Táýelsizdik bárinen qymbat» atty maqalasynda osy máselege basa nazar aýdardy, dep habarlaıdy QazAqparat tilshisi.

Qasym-Jomart Toqaev maqalasynda el men jerge degen mahabbat tálim-tárbıeden bastalatynyn aıtady. Ata-anasymen birge aýlasyna aǵash ekpegen, úlkenderdiń jan-janýarǵa meıirimin kórmegen, kishkentaıynan tabıǵatty aıalaýǵa daǵdylanbaǵan bala óskende týǵan jerine jany ashymaıdy. ıAǵnı Prezıdenttiń aıtýynsha, másele ekologııada emes – otanshyldyqta, zańda emes – sanada.

«Eli men jerin súıý úshin jas urpaq baıtaq Qazaqstannyń ǵajaıyp jaýharlaryn bilýge tıis. Batysta Bozjyra men Sherqala, kúngeıde Aqsý-Jabaǵyly men Saıram-Ógem, Jetisýda Han Táńiri men Sharyn, Kólsaı men Qaıyńdy, Qapal-Arasan, Altynemel men Burhan bulaq, shyǵysta Muztaý men Shyńǵystaý, Marqakól men Rahman qaınary, Arqada Býrabaı men Baıanaýyl, Ulytaý men Qarqaraly, teriskeıde Imantaý men Aıyrtaý jáne basqa da kórikti jerlerimiz jetip artylady. Jer jánnatyn alystan izdeýdiń qajeti joq. Bári ózimizde bar. Jastarǵa osyndaı keremet tabıǵatymyzdy tanytyp, ony qadirleýge baýlýymyz kerek», - dedi Qasym-Jomart Toqaev.