Qasym-Jomart Toqaev: «Jas maman» jobasynyń da baıaý júzege asyp jatqany alańdatady
NUR-SULTAN. QazAqparat – Atalmysh jobany iske qosý úshin Prezıdent Úkimetke naqty tapsyrma berdi, dep habarlaıdy QazAqparat tilshisi.
«Tehnıkalyq jáne kásiptik bilim berý salasy qaı baǵytta qozǵalyp bara jatqanyn túsingen abzal. «Jas maman» jobasynyń da baıaý qadammen júzege asyp jatqany alańdatady. Atalǵan jobany iske asyrý mehanızmi tolyq júrgizilmegen. Mamandyqtar tizimi bekitilmegen. Atalǵan jobany iske qosý úshin Úkimet bul rette tıisti sharalardy qabyldaýy tıis. Naqty merzimderdi atap, naqty áreket algorıtmderin usynýy kerek», - dedi Prezıdent.
Eske sala ketsek, elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Tamyz konferentsııasy ótip jatyr.
Jıynda Memleket basshysy tórt jyl ishinde muǵalimderdiń jalaqysy eki ese ósetindigin málim etti.
