Qasym-Jomart Toqaev ıadrolyq qarýsyzdanýǵa arnalǵan álemdik forýmdy ázirleýdi tapsyrdy

NUR-SULTAN. QazAqparat – QR Prezıdenti Qasym-Jomart Toqaev Syrtqy ister mınıstrliginiń keńeıtilgen alqa májilisinde ıadrolyq qarýsyzdanýǵa arnalǵan álemdik forýmdy ázirleýdy tapsyrdy, dep habarlaıdy QazAqparat tilshisi.

«Shegendelgen shekara - Qazaqstannyń aýmaqtyq tustastyǵynyń kepili. Sondaı-aq strategııalyq seriktesterimiz – Reseı, Qytaı jáne Ortalyq Azııa elderimen dostyq qatynasymyzdyń myzǵymas negizi. Qazaqstan AQSh-pen jáne Eýropa Odaǵy elderimen strategııalyq baılanys ornatty. Bul memleketter – bizdiń ınvestıtsııa jáne saýda salasyndaǵy áriptesterimiz. Biz kópjaqty sarabdal dıplomatııany berik ustanyp kelemiz. Bıyl Semeı polıgonynyń jabylǵanyna 30 jyl. Qazaqstan óz erkimen ıadrolyq qarý-jaraqtan bas tartty. Bul sheshýshi qadam Qazaqstannyń álemdik qaýymdastyqtaǵy bedeliniń artýyna zor úles qosty» - dedi Prezıdent.

Memleket basshysy Qazaqstan jahandyq ıadrolyq qarýǵa qarsy qozǵalys kóshbasshylarynyń qataryna qosylǵanyn da aıtty.

«Elbasy usynysy boıynsha ıadrolyq qarýsyzdanýǵa arnalǵan álemdik forýmdy ázirleý qajet. Kelesi jyly Azııadaǵy ózara is-qımyl jáne senim sharalary jónindegi keńeske jáne senim sharalary jónindegi keńeske 30 jyl tolady. Osyǵan oraı elordamyzda osy fýorýmnyń altynshy sammıti ótedi. Bul jıyndy uıymdastyrý úshin Syrtqy ister mınıstrligi aýqymdy jumys atqarýy kerek. Biz bul keńesti birtindep qurlyqtaǵy qaýipsizdik jáne damý uıymyna aınaldyrýdy kózdeımiz», - dep atap ótti Qasym-Jomart Toqaev.