Qasym-Jomart Toqaev: Volonter bolý — otanshyldyqtyń jarqyn úlgisi
«Sońǵy jyldary elimizde aýqymdy reformalar qolǵa alyndy. Tyń jobalar júzege asyrylyp jatyr. Bul jumys tabysty bolýy úshin búkil qoǵam at salysýy qajet. ıAǵnı, memleket pen qoǵamnyń senimdi seriktestigi óte mańyzdy. Osy oraıda eriktilerdiń róli aıryqsha. Búginde olar qoǵamnyń túrli salasynda belsendi jumys iste júr. Qazaqstanda 2020 jyl eriktiler jyly boldy. Biraz sharýa atqaryldy. Qazir elimizdegi volonterlik uıymdar sany 3 ese ósti. ıAǵnı, 680 uıym bar. Eriktilerdiń sany 200 myńǵa jetti. Barlyq aımaqta front ofıster ashyldy. Onda myńdaǵan volonter daıyndyqtan ótti. Qazvolunteer.Kz platformasy jasaldy», - dedi Qasym-Jomart Toqaev.
Prezıdenttiń atap ótýinshe, búgingi tańda Qazaqstanda kez kelgen adam eriktiler tobyna múshe bolyp, paıdaly iske óz úlesin qosa alady.
«Shyn máninde bul zor múmkindik. Sondaı-aq bizdiń volonterler Iordanııa, Kenııa, Taıland jáne Túrkııa elderine arnaıy baryp, tájirıbe jınaqtady. Osy tusta men Qazaqstan eriktilerine qoldaý kórsetip júrgen BUU ókilderine alǵys aıtamyn. Byltyr elimizde Ortalyq Azııa volonterleriniń alǵashqy forýmy ótti. Osyndaı mańyzdy sharalar aldaǵy ýaqytta da jalǵasady. Sebebi eriktiler qatarynda qoǵamǵa adal qyzmet etý - birkúndik ne bolmasa ýaqytsha jumys emes, bul ár volonterdiń óz erkimen tańdaǵan ómirlik maqsaty. Jalpy, volonter bolý patrıotızmniń, ıaǵnı, otanshyldyqtyń jarqyn úlgisi. Bul adamgershilik qundylyqtaryn bárinen joǵary qoıatyn jandardyń ómir salty. Eriktiler ónegeli isteri arqyly qoǵamdy damytýǵa zor úles qosady», - dedi Memleket basshysy.
