Qasym-Jomart Toqaev Vladımır Pýtındi elimizge resmı saparmen kelýge shaqyrdy

NUR-SULTAN. QazAqparat - Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti, dep habarlaıdy QazAqparat Aqordanyń baspasóz qyzmetine silteme jasap.

Memleketter basshylary eki el arasyndaǵy jan-jaqty yntymaqtastyq pen strategııalyq seriktestiktiń qarqyndy damyp kele jatqanyn erekshe atap ótti. Sondaı-aq qalyptasqan senimdi baılanystar Qazaqstan men Reseıdiń ortaq iste odan ári jaqyndaı túsýine yqpal etetini sóz boldy.

Qasym-Jomart Toqaev Vladımır Pýtındi kelesi jyly elimizge resmı saparmen kelýge shaqyrdy.

Memleketter basshylary ekijaqty jáne kópjaqty formattaǵy birlesken jumystardy jalǵastyra berýge ýaǵdalasty. Sonymen qatar Prezıdentter birin-biri Jańa jylmen quttyqtady.