Qasym-Jomart Toqaev «Valdaı» halyqaralyq pikirtalas klýbynyń otyrysyna qatysady
NUR-SULTAN. QazAqparat – QR Prezıdenti Qasym-Jomart Toqaev «Valdaı» halyqaralyq pikirtalas klýbynyń otyrysyna qatysady. Bul týraly QR Prezıdentiniń baspasóz hatshysy Berik Ýálı aıtty, dep habarlaıdy QazAqparat.
«Qazaqstan Prezıdenti Qasym-Jomart Toqaev Reseı Federatsııasynyń Prezıdenti Vladımır Pýtınniń shaqyrýymen 3 qazanda Sochı qalasynda ótetin «Valdaı» halyqaralyq pikirtalas klýbynyń HVI otyrysyna qatysady. Shara álemdik saıası qurylymdaǵy Shyǵystyń rólin talqylaýǵa arnalady», - dep jazdy Berik Ýálı facebook-tegi paraqshasynda.
Pikirtalas barysynda qazirgi álemdegi geosaıası jaǵdaıǵa Shyǵystyń yqpaly, Eýrazııa keńistigindegi saıası jáne ekonomıkalyq ózara is-qımyldardyń perspektıvalary, Taıaý Shyǵys máseleleri qaralatyn bolady.
Plenarlyq sessııalar barysynda Qazaqstan men Reseı basshylarynan basqa Ázerbaıjan Prezıdenti Ilham Alıev, Iordanııa Koroli ІІ Abdalla jáne Fılıppın Prezıdenti Rodrıgo Dýterteniń sóz sóıleýi josparlanǵan.
Bıyl «Valdaı» halyqaralyq pikirtalas klýbynyń jumysyna 37 elden, 140-tan astam sarapshy qatysady.
