Qasym-Jomart Toqaev Vetnam halqyn Táýelsizdik kúnimen quttyqtady

ASTANA. QazAqparat - Qasym-Jomart Toqaev Vetnam Prezıdentine quttyqtaý jedelhatyn joldady, dep habarlaıdy Aqorda.

Memleket basshysy Qasym-Jomart Toqaev Prezıdent Vo Van Thyongty jáne Vetnam halqyn ulttyq merekesi – Táýelsizdik kúnimen quttyqtady.

– Biz shynaıy dostyq pen tabysty saıası dıalogqa negizdelgen Vetnam Sotsıalıstik Respýblıkasymen aradaǵy konstrýktıvti seriktestikti joǵary baǵalaımyz. Jýyrda Hanoıda Qazaqstan-Vetnam qatynastarynyń barlyq baǵyty boıynsha ótken ashyq ári mazmundy talqylaýlarymyzdy erekshe eske alamyn, – dep jazylǵan jedelhatta.

Qasym-Jomart Toqaev ekijaqty yntymaqtastyqty odan ári nyǵaıtýǵa daıyn ekenin rastap, Vetnam basshysynyń ıgi bastamalaryna tabys tiledi.