Qasym-Jomart Toqaev: Uzynaǵashtaǵy qylmys - qasiret
ASTANA. QazAqparat - Almaty oblysy Uzynaǵash aýdanyndaǵy oqıǵaǵa baılanysty QR Senatynyń spıkeri Qasym-Jomart Toqaev óziniń pikirin tvıtterdegi jazbasynda bildirdi.
«Almaty oblysyndaǵy úsh aǵaıyndy jigit mal úshin óltirildi. 9 bala jetim qaldy. Bul qasiret. ІІM muqııat tergeý jasap, kinálilerdiń bárin jazaǵa tartatynyna senemin», - dep jazdy spıker tvıtterdegi paraqshasynda.
Eske sala keteıik, Almaty oblysynda mal satýǵa kelgen aǵaıyndy 3 azamat izim-qaıym joǵalyp, artynsha olardyń óli deneleri tabylǵan bolatyn. Qazir 3 azamatty óltirdi degen kúdikpen 2 adam ustaldy. Alaıda, marqumnyń týystary atpaldaı úsh azamatty 2 qylmysker óltirdi degenge senbeıdi.
Sonymen qatar, QR Premer-Mınıstri Baqytjan Saǵyntaev Іshki ister mınıstrine tergeý barysyn tikeleı baqylaýǵa alýdy tapsyrǵan bolatyn. «Qoǵamdyq qaýipsizdik jáne qylmyspen kúres bul mańyzdy mindet. Biz muny Úkimettiń jeke otyrysynda talqylaımyz», - dep atap ótti Baqytjan Saǵyntaev.
