Qasym-Jomart Toqaev Ulttyq bank tóraǵasyna valıýta naryǵynyń turaqtylyǵyn qamtamasyz etýdi tapsyrdy
ASTANA. QazAqparat - Qazaqstan Prezıdenti Ulttyq bank tóraǵasy Erbolat Dosaevty qabyldady, dep habarlaıdy Aqordanyń baspasóz qyzmeti.
Kezdesýde Qasym-Jomart Toqaevqa elimizdiń valıýta-qarjy naryǵyndaǵy ahýaly men altyn-valıýta qorynyń jaǵdaıy týraly málimdeldi.
Sonymen qatar, Memleket basshysyna ınflıatsııanyń tómen deńgeıin ustap turýǵa jáne valıýta aıyrbastaý oryndaryndaǵy alyp-satarlyq operatsııalardyń aldyn alýǵa baǵyttalǵan aqsha-nesıe saıasatyn júzege asyrý jónindegi jumystardyń nátıjeleri men aldaǵy ýaqytta atqarylatyn sharalar týraly baıandaldy.
Kezdesý qorytyndysy boıynsha Qazaqstan Prezıdenti Ulttyq bank tóraǵasyna valıýta naryǵynyń, bank sektorynyń jáne qarjy naryǵynyń basqa da segmentterindegi ahýaldyń turaqtylyǵyn qamtamasyz etýdi tapsyrdy.
