Qasym-Jomart Toqaev Túrkistandaǵy Jastar ortalyǵyn aralap kórdi
TÚRKІSTAN. QazAqparat - QR Prezıdenti Qasym-Jomart Toqaev Túrkistanǵa is-sapar kezinde jýyrda ǵana tusaýy kesilgen oblystyq «Jastar resýrstyq ortalyǵyna» aıaldady. Qasym-Jomart Kemeluly ortalyqta «Jastarǵa qyzmet kórsetý», «Eriktiler klýby», «Jas sarbaz», «Tilder mektebi» jáne «Stem» jobalarymen tanysty, dep habarlaıdy QazAqparat tilshisi.
Memleket basshysy Sondaı-aq, «TURKISTAN HUB» kovorkıng ortalyǵynyń rezıdentterimen kezdesti. Búgingi tańda ortalyq bir ýaqytta 400-ge jýyq jasqa qyzmet kórsete alady. Budan keıin Memleket basshysynyń sapary Túrkistanda «Nurly jer» baǵdarlamasy boıynsha salynyp jatqan turǵyn úılerdiń qurylysymen tanysýymen jalǵasty. Jalpy aýmaǵy 96 200 sharshy metrdi quraıtyn 1560 páterlik 26 kópqabatty turǵyn úı aǵymdaǵy jyly el ıgiligine tapsyrylady dep josparlanǵan. 
