Qasym-Jomart Toqaev Túrkistanda túrkilerge ortaq sáýlet nysanyn salýdy usyndy

NUR-SULTAN. QazAqparat –QR Prezıdenti Qasym-Jomart Toqaev Túrkistanda túrkilerge ortaq sáýlet nysanyn salýdy usyndy, dep habarlaıdy QazAqparat tilshisi.

«Qazirgi zamanda gýmanıtarlyq jáne akademııalyq yqpaldastyqtyń ózektiligi artyp keledi. Іrgetasy orta ǵasyrda qalanǵan Túrkistan shahary arheologııalyq jáne ǵylymı turǵyda áli tolyq zerttelgen joq. Sondyqtan TÚRKSOI men Túrki akademııasynyń Túrkistan óńirinde arheologııalyq ǵylymı-zertteý jumystaryn júrgizýge basa mán berýi óte oryndy. Munan bólek, tamyrlastyq sımvoly retinde Túrkistanda halyqtarymyzǵa ortaq sáýlet nysanyn salsaq quba-qup», - dedi Qasym-Jomart Toqaev Túrki tildes memleketterdiń yntymaqtastyq keńesiniń beıresmı sammıti barysynda.