Qasym-Jomart Toqaev: Túrkistan - kúlli túrki jurtynyń qasıetti mekeni

NUR-SULTAN. QazAqparat - Memleket basshysy Qasym-Jomart Toqaev «Egemen Qazaqstan» jáne «Aıqyn» gazetterine bergen suhbatynda Túrkistan qalasynyń mańyzy týraly áńgimelep berdi.

«Túrkistan tek qazaq halqynyń ǵana emes, kúlli túrki jurtynyń qasıetti mekeni. Túrkistan - san ǵasyrlyq adamzat shejiresiniń kýágeri jáne órkenıet jaýhary», dedi Prezıdent.

Sondaı-aq túgel túrkiniń temirqazyǵy sanalatyn Túrkistanǵa táý etý ata-babalarymyzdan kele jatqan dástúr ekenin aıtty.

«Qarap otyrsańyz, halqymyzdyń arǵy-bergi tarıhynda el bastaǵan, qol bastaǵan tulǵalarymyz da asa jaýapty sátterde, kúrdeli saıası sheshimder qabyldaıtyn ýaqyttarda Túrkistanǵa taǵzym ete barǵan. Tuńǵysh Prezıdentimiz - Elbasy Nursultan Ábishuly Nazarbaev ta osy kıeli topyraqqa jıi at basyn buratynyn bilesizder», dedi Q.Toqaev.