Qasym-Jomart Toqaev: Tuńǵysh Prezıdentimiz elimizdi irgesi berik memleketke aınaldyrý úshin zor eńbek sińirdi

NUR-SULTAN. QazAqparat – Tuńǵysh Prezıdentimiz elimizdi irgesi berik memleketke aınaldyrý úshin zor eńbek sińirdi. Bul týraly « «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Budan bylaı mundaı qasiretke jol bermeımiz. Halqymyz birliginiń arqasynda osy syn-qaterge tótep berdi. Qazir aldymyzda barlyq salany qaıta jańǵyrtý mindeti tur. Bul – memlekettik apparatty ǵana jańartý degen sóz emes», - dedi Memleket basshysy.

QR Prezıdentiniń atap ótýinshe, qoǵamdyq qundylyqtar júıesine, saıası jáne áleýmettik-ekonomıkalyq salalarǵa túbegeıli ózgeris engizý qajet. Osy rette, azamattyq qoǵam ınstıtýttaryna zor mindet júkteledi. Ásirese, saıası partııalar aıryqsha ról atqarady.

«Qazir el ishinde túrli jaǵymsyz áńgimeler tarap jatqanyn bilemin. Osyǵan baılanysty Memleket basshysy retinde taǵy da qaıtalap aıtamyn. Tuńǵysh Prezıdentimiz elimizdi irgesi berik memleketke aınaldyrý úshin zor eńbek sińirdi. Biz buǵan deıingi jetistikterimizden aıyrylyp qalmaýymyz kerek. Memleketimizdi nyǵaıtyp, kez-kelgen synaqqa daıyn bolýymyz qajet. Tabysqa jetý úshin, eń aldymen, aýyzbirshilik kerek ekenin este ustaıyq», - dedi Qasym-Jomart Toqaev.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter -degi paraqshasynda jarııalanýda.