Qasym-Jomart Toqaev: Toıdaǵy ysyrapshyldyqtan arylý kerek
ASTANA. QazAqparat - Qazaqstan Respýblıkasy Parlamenti Senatynyń Tóraǵasy Twitter-degi paraqshasynda keıbir qazaqstandyqtardyń ataqqumar ysyrapshyldyǵy týraly aıtty, dep habarlaıdy QazAqparat.
«Qazaqstan BAQ-taryndaǵy úılený toılary men basqa da mereıtoılady ótkizýdiń jańa tásilderi týraly pikirtalasty qoldaımyn. Jaýyr bolǵan ataqqumarlyq ysyrapshyldyqtan, sán-saltanattan qutylatyn jańa úlgi qajet. Ózbekter, túrikter, túrikmenderdiń úlgileri boıynsha ulttyq salt-dástúrge den qoıý qajet», - dep jazdy Qazaqstan Respýblıkasy Parlamenti Senatynyń Tóraǵasy.
