Qasym-Jomart Toqaev TMD Memleketteri basshylary keńesin qorytyndylady
ASTANA. QazAqparat – QR Prezıdenti Qasym-Jomart Toqaev TMD Memleketteri basshylary keńesiniń qorytyndysyn shyǵardy, dep habarlaıdy QazAqparat tilshisi.
«Biz shaǵyn quramda munan arǵy yntymaqtastyǵymyzdyń eń ózekti máseleleri boıynsha nátıjeli pikir almastyq, Táýelsiz Memleketter Dostastyǵyn damytýdyń basty basymdyqtaryn belgiledik», - dedi Memleket basshysy keńeıtilgen quramdaǵy otyrysta.
Qasym-Jomart Toqaev bul TMD-nyń koronavırýs pandemııasynan keıingi júzbe-júz formattaǵy alǵashqy tolyqqandy sammıti ekenin atap ótti.
«Túptep kelgende, bul – bizdiń elordamyzda taǵy da júzdesken qýanyshty oqıǵa», - dedi QR Prezıdenti.
