Qasym-Jomart Toqaev Tájikstan Prezıdenti Emomalı Rahmondy áýejaıdan shyǵaryp saldy

ASTANA. QazAqparat - Prezıdent Qasym-Jomart Toqaev Qazaqstanǵa memlekettik sapary aıaqtalǵan Tájikstan Prezıdenti Emomalı Rahmondy áýejaıdan shyǵaryp salyp, jyly qoshtasty, dep habarlaıdy Aqordanyń baspasóz qyzmeti.

Aıta keteıik, keshe Prezıdent Qasym-Jomart Toqaev Qazaqstanǵa memlekettik saparmen kelgen Tájikstan Prezıdenti Emomalı Rahmondy elorda áýejaıynda qarsy alǵan bolatyn.

Shaǵyn jáne keńeıtilgen quramda ótken ekijaqty kelissózderdiń qorytyndysy boıynsha Qasym-Jomart Toqaev pen Emomalı Rahmon buqaralyq aqparat quraldary ókilderi úshin brıfıng ótkizdi. Eki el prezıdentiniń BAQ ókilderi úshin birlesken baspasóz málimdemesin oqyrman nazaryna usynǵan bolatynbyz.

Búgin Tájikstan Prezıdenti Emomalı Rahmonov Memleket basshysy Qasym-Jomart Toqaevpen Aqordada ótken keńeıtilgen quramdaǵy kelissóz kezinde bıyl Qazaqstan Tájikstannyń negizgi saýda seriktesine aınalýy múmkin ekenin aıtty.

Memleket basshysy Qasym-Jomart Toqaev Tájikstan Prezıdenti Emomalı Rahmonmen birlesken málimdemesinde Dýshanbede ótetin Ortalyq Azııa elderi basshylarynyń sammıtine qatysatynyn rastady.

Sondaı-aq, Qazaqstan Respýblıkasy men Tájikstan Respýblıkasy arasyndaǵy odaqtastyq ózara is-qımyl týraly Deklaratsııa qabyldandy.