Qasym-Jomart Toqaev Táýelsizdiktiń 30 jyldyǵyn toılaýǵa qatysty pikir bildirdi

NUR-SULTAN. QazAqparat – Búgin Ulttyq qoǵamdyq senim keńesiniń tórtinshi otyrysynda Prezıdent Qasym-Jomart Toqaev Táýelsizdiktiń 30 jyldyǵyn toılaýǵa qatysty pikir bildirdi, dep habarlaıdy QazAqparat tilshisi.

«Aldaǵy jyl - Táýelsizdigimizdiń 30 jyldyǵy. Ol ekonomıkalyq ári saıası reformalar, tsıfrovızatsııa, adam quqyqtaryn qorǵaý, densaýlyq saqtaý men bilim berýdi damytý, ekologııany qorǵaý uranymen ótýi kerek. Qazir osynaý mańyzdy tarıhı dataǵa oraı kóptegen saltanatty shara ótkizetin ýaqyt emes. Biz mańyzdy isterdi uzaqqa sozbaı, qysqa merzimde naqty nátıjelerge qol jetkizýimiz kerek», - dedi Prezıdent.

Budan buryn habarlanǵandaı, Memleket basshysy Ulttyq keńes otyrysynda Otanymyzdyń ósip-órkendeýi úshin qasterli Táýelsizdigimizdi qorǵaý jáne nyǵaıtý - árbir Qazaqstan azamatynyń jáne barlyq saıası kúshterdiń abyroıly mindeti ekenin atap ótti.