Qasym-Jomart Toqaev Tarazda Ǵazız Baıtasovtyń otbasymen kezdesti
JAMBYL OBLYSY. QazAqparat -Qazaqstan Prezıdenti Qasym-Jomart Toqaev Halyq qaharmany Ǵazız Baıtasovtyń otbasymen kezdesti, dep habarlaıdy Aqorda.
Memleket basshysy jumys sapary barysynda batyrdyń otbasy turyp jatqan úıge bardy. Qazaqstan Prezıdentine qyzmet barysynda erlikpen qaza tapqan Ǵazız Baıtasovtyń qurmetine qoıylǵan eskertkish taqta, onyń fotosýretteri, medaldary men jeke zattary kórsetildi.
Qasym-Jomart Toqaev Halyq qaharmanynyń jubaıymen jáne uldarymen áńgimelesý barysynda Ǵazız Baıtasovtyń óte jaýapty ári qıyn sátte óz isine adal bolǵanyn, onyń erligi eshqashan umytylmaıtynyn atap ótti.
Eske salsaq, Tarazda 2011 jyly 12 qarashada lańkesterdiń qylmysy saldarynan 7 adam qaza tapqan, onyń 5-eýi polıtsııa qyzmetkeri, 2-eýi azamattyq tulǵalar. Budan basqa ishki ister organdarynyń úsh qyzmetkeri jaraqat alǵan.
Aıta ketsek, buǵan deıin QR Prezıdenti jumys saparymen Jambyl oblysyna kelgendigi týraly habarlaǵan bolatynbyz.
