Qasym-Jomart Toqaev Taldyqorǵandaǵy akkýmýlıator zaýytyna bardy
NUR-SULTAN. QazAqparat - Qazaqstan Prezıdenti Qasym-Jomart Toqaev Taldyqorǵandaǵy «Qaınar AKB» jaýapkershiligi shekteýli seriktestigine bardy, dep habarlaıdy Aqordanyń resmı saıty.
Memleket basshysy kásiporynnyń akkýmýlıator batareıalaryn qurastyrý jumysymen, shyǵarylatyn ónimderdiń úlgilerimen tanysty.
Qasym-Jomart Toqaev memlekettiń qoldaýymen oblys ortalyǵyndaǵy kásiporynda keń kólemde modernızatsııa júrgizilgenin atap ótti. Sonyń nátıjesinde ótken jyly óndiris kólemin 2,5 mıllıon akkýmýlıatorǵa deıin artyryp, TMD elderine, Germanııaǵa, Polshaǵa, Qytaı jáne Birikken Arab Ámirlikterine eksporttaýǵa múmkindik alǵan.
Qazaqstan Prezıdenti eńbek ujymymen kezdesý barysynda, zaýyttyń básekege qabilettiligi nyǵaıyp, jahandyq naryqqa eksporttaý múmkindikterin arttyra alatyndaryna senim bildirdi.
