Qasym-Jomart Toqaev Syr dıqandaryn quttyqtady
NUR-SULTAN. QazAqparat - Memleket basshysy Qasym-Jomart Toqaev Qyzylorda oblysynyń dıqandaryn tolaǵaı tabysymen quttyqtady. Bul týraly oblystyq ákimdiktiń baspasóz qyzmeti habarlaıdy.
«Qurmetti Syr boıy dıqandary! Qyzylorda oblysy – aýyl sharýashylyǵyn qarqyndy damytyp, el qazynasyn eselep otyrǵan berekeli aımaq. Bıyl osy ólke dıqandarynyń kúrish óndirýden rekordtyq kórsetkishti jańartyp, mol ónim jınaý sonyń dáleli. Óńirdegi 87,9 myń gektar kúrishtiń ár gektarynan 60,3 tsentnerden ónim alynyp, el qambasyna 530 myń tonnadan astam aq marjan kúrish quıyldy. Barshańyzdy osyndaı tolaǵaı tabystaryńyzben shyn júrekten quttyqtaımyn», - delingen Prezıdenttiń quttyqtaý hatynda.
