Qasym-Jomart Toqaev: Sot protsesi túsinikti ári yńǵaıly bolýy qajet
NUR-SULTAN. QazAqparat - Sot protsesi túsinikti ári yńǵaıly bolýy qajet. Bul týraly QR sýdıalarynyń VIII sezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Sot protsesterin ońtaılandyrý jáne daýlardy sheshýdiń baılanyssyz tetikterin engizý - bul óte baıypty problema. Sot protsesiniń bıýrokratııalanýy jáne tym reglamenttelgen protsedýralar áýre-sarsańǵa alyp kelip, qoǵamda ádil syn týdyrady. Sondyqtan sottardy adamdarmen jumysta klıentke baǵdarlanǵan ádis engizilýi qajet», - dedi Memleket basshysy.
Osy oraıda QR Prezıdenti bul baǵytta alǵashqy ári mańyzdy qadamnyń jasalǵanyn atap ótti.
«Bul oraıda Tóraǵa bastaǵan Joǵarǵy sottyń basshylyǵy sot júıesin reformalaý turǵysynda barynsha belsendi ári tıimdi jumys istep jatqanyn moıyndaý kerek. Jekelegen sottarda front-keńseler ashyldy. Bul tájirıbeni maqsatty túrde ulǵaıtý qajet. Sot óndirisindegi barlyq bıznes protsester oıly ári qarapaıym logıka turǵysynda durys bolýy tıis. Protsedýralar men relamentterdi ońtaılandyryp, qajetsizderin alyp tastaǵan jón. Sot protsesi túsinikti ári yńǵaıly bolýy qajet. Azamattar protsedýralyq barlyq aıla-ádisterdi túsinýge mindetti emes», - dedi Qasym-Jomart Toqaev.
Memleket basshysy taıaýda Ákimshilik-protsessýaldyq kodekstiń qabyldanǵanyn eske saldy.
«Bul baǵyttaǵy jumysty jalǵastyrý qajet. Sot óndirisiniń barlyq formalaryn ońtaılandyrý talap etiledi. Sot aktileriniń sapasyna erekshe nazar aýdarǵan jón» , - dedi QR Prezıdenti.
