Qasym-Jomart Toqaev: ShYU basty mindeti - senimdi, dıalogty nyǵaıtý bop qalýy tıis

BІShKEK. QazAqparat - Qazaqstan Prezıdenti Qasym-Jomart Toqaev Shanhaı yntymaqtastyq uıymyna múshe-memleketterdiń basshylary keńesiniń Bishkekte ótip jatqan 19-shy otyrysyna qatysýda, dep habarlaıdy QazAqparat tilshisi Aqordanyń baspasóz qyzmetine silteme jasap.

«Halyqaralyq qarym-qatynastardyń tranfsormatsııasy kópjaqty sıpatta birige túsýdiń jańa ári naqty qaǵıdattaryn talap etedi. ShYU basty mindeti - senimdi, dıalogty nyǵaıtyp, qaýipsizdik men yntymaqtastyqty qamtý úshin qarym-qatynasty kúsheıtý bolyp qala bermek», - dedi Qasym-Jomart Toqaev keńes otyrysynda.

Onyń aıtýyna qaraǵanda, Eýrazııanyń negizgi kópjaqty qurylymdarymen tolyqformatty qarym-qatynasty retke keltirip, keńeıte túsý jolymen ShYU-nyń halyqaralyq básekege qabilettiligin arttyrý kerek.

Eske sala ketsek, Bishkektegi otyrysta Qyrǵyz Prezıdenti Sooranbaı Jeenbekov Shanhaı yntymaqtastyq uıymynyń ekonomıkalyq qylmystarmen kúres jónindegi organyn qurý kerektigin atap ótken edi.

Otyrysta Shanhaı yntymaqtastyq uıymyna 2019-2020 jyldar aralyǵynda Reseı tóraǵa bolatyny habarlandy.