Qasym-Jomart Toqaev ShYU aıasynda aýrýdy baqylaýdyń óńirlik ortalyqtaryn qurýdy usyndy
«ShYU – pandemııanyń jaǵymsyz saldaryn eńserýge kelgende talpynysty úılestirý jolynda óziniń myǵymdyǵyn kórsetti. Bárimizge de túsinikti «Dos qıyndyqta synalady» degen qanatty sóz epıdemııa ýshyqqan kezde ShYU-ǵa múshe memleketterdiń yntymaqtastyǵynyń rýhyn aıqyn sıpattaıdy. Ózara gýmanıtarlyq kómek, mamandardy, epıdemıologtardy joldaý – bizdiń elderdegi jaǵdaıdy turaqtandyrýǵa kómektesti. Qazaqstan tıisti memleketterge, onyń ishinde Reseı men Qytaıǵa atalmysh jahandyq problema boıynsha belsendi ári ónimdi yntymaqtastyq bildirgeni úshin alǵysyn bildiredi», - dedi Qasym-Jomart Toqaev vıdeokonferentsııa rejıminde ótip jatqan Shanhaı Yntymaqtastyq Uıymyna múshe memleketter basshylarynyń keńes otyrysynda.
Sonymen qatar, Qazaqstan Prezıdenti áli de pandemııaǵa qarsy uzaq shaıqas kútip turǵanyn málim etti.
«Onyń adamdardyń densaýlyǵyna, ShYU-ǵa múshe memleketterdiń ekonomıkasyna qalaı áser etetinin túsinip otyrmyz. Búgin bekitiletin epıdemııaǵa qarsy birlesken áreketterdiń keshendi jospary – ýaqyt synyna berilgen jaýap. Osy rette DDSU uranymen aýrýlar men bıoqaýipsizdikti baqylaý boıynsha óńirlik ortalyqtardy qurý týraly bizdiń bastamamyz mańyzdy dep estepteımiz», - dedi Qasym-Jomart Toqaev.