Qasym-Jomart Toqaev Shveıtsarııa Elshisin qabyldady
ASTANA. QazAqparat - Parlament Senatynyń Tóraǵasy Qasym-Jomart Toqaev Shveıtsarııa Konfederatsııasynyń elshisi Ýrs Shmıdti qabyldady, dep habarlaıdy QR Parlamenti Senatynyń baspasóz qyzmeti.
Qasym-Jomart Toqaev Qazaqstannyń Eýropadaǵy saýda, ınvestıtsııa jáne syrtqy saıasattaǵy mańyzdy áriptesi bolyp tabylatyn Shveıtsarııamen ekijaqty qatynastarynyń qarqyndy sıpatyn atap ótti.
Senat Tóraǵasy eki eldiń zań shyǵarý organdarynda jumys isteıtin dostyq toptary syndarly ról atqaratyn parlamentaralyq únqatysýdyń barysyn joǵary baǵalady. Qazaqstan men Shveıtsarııa parlamentshileri halyqaralyq parlamenttik uıymdarda, onyń ishinde EQYU Parlamenttik Assambleıa aıasynda tabysty yntymaqtasyp keledi.
Elshi aldaǵy 9-12 shildede ekonomıkalyq yntymaqtastyqtyń máselelerin qarastyrý jáne talqylaý úshin keletin ekonomıka, bilim jáne zertteýler mınıstri Iohann Shnaıder-Amman bastaǵan saýda-ınvestıtsııalyq delegatsııasynyń sapary týraly habardar etti.
Qazaqstannyń Eýrazııadaǵy róli men ornyn eskere otyryp, Bernde bul saparǵa basa nazar aýdaryp otyr.
