Qasym-Jomart Toqaev shtabynyń músheleri «Lokomotıv» AQ eńbek ujymymen kezdesti

ALMATY. QazAqparat - Prezıdenttikke úmitker Qasym-Jomart Toqaevtyń saılaýaldy shtabynyń músheleri «Lokomotıv» AQ eksplýatatsııalyq lokomotıv deposynyń eńbek ujymymen kezdesti, dep habarlaıdy QazAqparat tilshisi.

Kezdesý barysynda shtab músheleri Qasym-Jomart Toqaevtyń saılaýaldy platformasyn túsindirdi.

«Bizdiń maqsatymyz - tranzıttik ýaqytta saılaý protsesin qalypty ótkizý. Mynadaı beıbit zamanda bizge saıası turaqtylyq kerek. Saıası turaqtylyqtyń eń bıik deńgeıin kórseteıik», - dedi qalalyq shtab basshysy Rahman Alshanov.

Jıyn barysynda úgit-nasıhat toby úmitkerdiń saılaýaldy baǵyttary týraly túsindirip, jumysshylardyń talap-tilegin tyńdady.

Aıta ketý kerek, Qazaqstanda 11 mamyrdan bastap QR Prezıdenttigine úmitkerlerdiń úgit-nasıhat naýqany bastaldy. Saılaýaldy úgit-nasıhat jumystary 8 maýsym 00:00-ge deıin jalǵasady.