Qasym-Jomart Toqaev shtaby úkimettik emes uıym ókilderimen kezdesti

NUR-SULTAN. QazAqparat - Elimizdiń birneshe aımaǵynda jergilikti qoǵamdyq shtab músheleri úkimettik emes uıym ókilderimen jáne blogerlermen kezdesti. Sondaı basqosýdyń biri Jambyl oblysynda uıymdastyryldy, dep habarlaıdy prezıdentikke kandıdat Qasym-Jomart Toqaevtyń saılaýaldy shtaby.

Jıynda «Nur Otan» partııasy Jambyl oblystyq fılıalynyń tóraǵasy Erqanat Manjýov kandıdattyń saılaýaldy baǵdarlamasynyń negizgi baǵyttarynyń biri - azamattyq qoǵamdy damytý ekenin atap ótti. Ol úkimettik emes sektor bılik pen halyq arasynda dıalog ornatýǵa kómektesetinin aıtyp, baǵdarlamada aıtylǵan birqatar máselelerdi sóz etti.

Kezdesýde sóz alǵan oblystyq qoǵamdyq shtab múshesi Gúlsin Orynbaeva Qasym-Jomart Toqaevtyń álemdik saıası arenadaǵy bedeli týraly áńgimeledi. Jıyn sońynda barlyq qoǵam belsendileri #Birge aktsııasyna joldanatyn usynystar men tilekterin jazyp qaldyrdy.

Osyndaı is-sharalar Almaty, Soltústik Qazaqstan oblystarynda da ótkizildi. Osylaısha, aımaqtardaǵy qoǵam belsendileri kandıdattyń saılmaýaldy baǵdarlamasyn talqylap, #Birge jalpyulttyq aktsııasyna da belsene qatysty.