Qasym-Jomart Toqaev shtaby Almatyda zııaly qaýymmen kezdesti

ALMATY. QazAqparat - Prezıdenttikke úmitker Qasym-Jomart Toqaevtyń respýblıkalyq shtabynyń Almaty qalasyna sapary jalǵasýda, dep habarlaıdy QazAqparat shtabtyń baspasóz qyzmetine silteme jasap.

Kezdesýdiń ekinshi kúni senimdi ókilder qoǵam qaıratkerlerimen jáne zııaly qaýym ókilderimen júzdesti. Shtab músheleri Elbasy usynǵan kandıdattyń táýelsizdiktiń alǵashqy jyldarynan bastap el múddesi úshin atqarǵan qyzmetine jáne onyń saılaýaldy baǵdarlamasynyń negizgi túıinine toqtaldy.

Jıynda sóz alǵan Máýlen Áshimbaev kandıdattyń táýelsizdikti nyǵaıtýǵa, memlekettiń damýyna qosqan úlesin atap ótti.

Jınalǵandar kandıdattyń saılaýaldy baǵdarlamasyn jan-jaqty talqylady.