Qasym-Jomart Toqaev shtaby Aqtóbede birqatar kezdesýler ótkizdi

AQTÓBE. QazAqparat - Prezıdentikke úmitker Qasym-Jomart Toqaev respýblıkalyq shtabynyń ókilderi Aqtóbede birqatar kezdesýler ótkizdi. Bul jóninde shtabtyń baspasóz qyzmeti habarlady.

Ózin-ózin jumyspen qamtyǵan aqtóbeliktermen kezdesýde prezıdenttikke kandıdat Qasym-Jomart Toqaevtyń saılaýaldy baǵdarlamasyndaǵy jumyspen qamtý máselesi sóz boldy.

Sonyń biri - «Altaı» saýda ortalyǵynda bolǵan júzdesý. Oǵan 120-dan astam saýdager, kásipker men ózin-ózi jumyspen qamtyǵan azamattar qatysty.

Jınalǵandar aldynda sóz sóılegen prezıdenttikke úmitker Qasym-Jomart Toqaevtyń senimdi ókili Nurlybek Júsipov kandıdattyń saılaýaldy baǵdarlamasynyń jumyspen qamtý jáne jańa jumys oryndaryn ashýǵa qatysty keıbir tarmaqtaryn egjeı-tegjeıli túsindirdi.

Sondaı-aq, kandıdat Qasym-Jomart Toqaevtyń senim bildirgen ókilderi Aqtóbede 100-den astam múmkindigi shekteýli janmen kezdesti.

Prezıdenttikke kandıdat Qasym-Jomart Toqaevtyń senimdi ókili Eleýsin Saǵyndyqov kandıdattyń saılaýaldy baǵdarlamasyn jan-jaqty túsindirip, onyń kásibı sheberligin, biliktiligin kórsetetin ómiriniń keıbir tustaryn áńgimeledi.

Sonymen qatar, shtab ókilderi «Úzdik sheshim» eńbek ujymymen kezdesip, saılaýaldy baǵdarlamany tanystyrdy. Seriktestik qyzmetkerlerine tuǵyrnamanyń mańyzdy baǵyttarynyń biri - az qamtylǵan otbasylarǵa qoldaý kórsetý ekeni aıtyldy.