Qasym-Jomart Toqaev: Shildeniń sońyna deıin ámbebap mobıldi brıgada sany 3,5 myńǵa jetkiziledi
NUR-SULTAN. QazAqparat – Memleket basshysy Qasym-Jomart Toqaev Qazaqstanda qazirgi ýaqytta ámbebap mobıldi brıgada qurylǵanyn málim etti, dep habarlaıdy QazAqparat tilshisi.
«Memleket jaǵdaıdy turaqtandyrý úshin barlyq sharany qabyldap jatyr. Alǵashqy medıtsınalyq kómek qyzmetteri kúsheıtilýde. Úıde halyqqa keshendi medıtsınalyq qyzmetterdi kórsetý úshin 400 ámbebap mobıldi brıgada quryldy. Shilde aıynyń sońyna deıin olardyń sany 3,5 myńǵa deıin jetkiziledi», - dedi Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeýinde.
Prezıdenttiń aıtýynsha aýrýhanalardaǵy tósek oryndarynyń sanyn kóbeıtý jumystary bastalyp ketken.
«Men nusqaý bergen sátten bastap koronavırýspen aýyratyn naýqastarǵa arnalǵan tósek-oryn sany 70%-ǵa artyp, 43 myńǵa deıin jetkizildi. Bul jumysqa áskerı dárigerlerler de belsendi aralasyp jatyr. Qarýly kúshterdiń resýrstarynyń arqasynda 500-den astam tósek ornalastyryldy. Erekshe taralý oshaqtary ornynda dalalyq aýrýhanalar jasaqtalýda», - dedi ol.
