Qasym-Jomart Toqaev sheıh Támımdi «Altyn qyran» ordenimen marapattady

ASTANA. QazAqparat – Búgin Aqordada Qazaqstan Prezıdenti Qasym-Jomart Toqaev Qatar Ámiri sheıh Támım ben Hamad Ál Tánıdi elimizdiń eń joǵarǵy nagradasy – «Altyn qyran» ordenimen marapattady, dep habarlaıdy QazAqparat tilshisi.

«Joǵary mártebeli sheıh myrza! Siz qazaq-qatar qarym-qatynasyn turaqty damytýǵa ólsheýsiz úles qosyp kelesiz. Biz ony joǵary baǵalaımyz. Men osy saladaǵy aıryqsha tarıhı rólińizdi eskere otyryp, Sizdi «Altyn qyran» ordenimen marapttaý týraly sheshim qabyldadym. Bul – Qazaqstan Respýblıkasynyń eń joǵarǵy nagradasy. Sondyqtan, osy marapat ekijaqty qatynastar jylnamasyna altyn árippen jazylary sózsiz. Men dostyǵymyzdy nyǵaıtyp, bereke-birligimizdi arttyra túsý úshin bar kúsh-jigerimdi jumsaýǵa daıynmyn», - dedi Memleket basshysy birlesken málimdeme barysynda.

Foto : t.me/bort_01