Qasym-Jomart Toqaev «Shevron» kompanııasynyń dırektorlar keńesiniń tóraǵasyn qabyldady

NUR-SULTAN. QazAqparat - Qasym-Jomart Toqaev «Shevron» kompanııasynyń dırektorlar keńesiniń tóraǵasy jáne bas atqarýshy dırektory Maıkl Ýırtti qabyldady, dep habarlaıdy Aqordanyń baspasóz qyzmeti.

Kezdesý barysynda munaı sektoryndaǵy birqatar jobalardy júzege asyrý jáne Qazaqstan men «Shevron» kompanııasy arasyndaǵy ózara is-qımyldardyń keleshegi týraly sóz boldy. Sonymen qatar, jańa ınvestıtsııalar salý múmkindigi qarastyryldy.

Memleket basshysy Maıkl Ýırtqa jemisti yntymaqtastyq úshin alǵys bildirip, bizdiń elimizde sheteldik bızneske jasalǵan qolaıly ınvestıtsııalyq ahýaldy atap ótti.

Maıkl Ýırt Qazaqstan uzaq ýaqyttan beri «Shevron» kompanııasynyń mańyzdy seriktesi bolyp kele jatqanyn atap ótti. Amerıkalyq bıznesmen basshylyq quramynyń 77% qazaqstandyqtar bolatyn, «Teńizshevroıl» enshiles kompanııasynyń menedjerleriniń kásibıligin joǵary baǵalady. Bul kórsetkish ózara yntymaqtastyqtyń nyǵaıýyna qaraı arta beretinin aıtty.